Islom To‘xtaxo‘jaev: Xitoy va Janubiy Koreya bilan muhim o‘yinlarda g‘alabaga erishmoqchimiz

O‘zbekiston milliy terma jamoasi Toshkentda Jahon chempionati-2018 saralashining so‘nggi 2 uchrashuviga hozirlikni davom ettirmoqda.

Milliy terma jamoamizning oldindagi o‘yinlariga tayyorgarligi xususida “Lokomotiv” jamoasi himoyachisi Islom To‘xtaxo‘jaev o‘z fikrlarini o‘rtoqlashdi.

– Tayyorgarlik jarayonini boshlab yubordik. Oldinda bizni juda muhim va mas’uliyatli o‘yinlar kutyapti. Nasib etsa, ushbu uchrashuvlarda ijobiy natijaga erishib, eng ezgu maqsadimizga etmoqchimiz. Yig‘inga sekin-asta xorijdagi futbolchilar ham etib kelishmoqda. Barchaning kayfiyati a’lo darajada. Agar muxlislarimiz bizni duo qilib turishsa, albatta o‘z niyatimizga etamiz va mundial yo‘llanmasini qo‘lga kiritamiz, – deydi tajribali futbolchi “Lokomotiv” matbuot xizmatiga.