Jervonta Devis garov evaziga qamoqdan ozod qilindi
Avvalroq, WBA chempioni Jervonta Devis oiladagi zo‘ravonlik va odam o‘g‘irlashga urinish ayblovlari bilan hibsga olingandi.
Bugun paydo bo‘lgan ma’lumotlarga ko‘ra, Jervonta Mayamidagi axloq tuzatish muassasasiga olib ketildi va "Mayami-Deyd" okrugi sudida 16 000 dollar garov evaziga ozod qilindi.
"Devis – chinakam jabrlanuvchi va men buni sudda isbotlashni intiqilik bilan kutyapman. Bu ishda Jervonta bilan sodir bo‘lgan voqea unga qarshi qo‘yilgan dastlabki ayblovlardan tashqariga chiqadi", – deya bokschining advokati Saymon Stekelning so‘zlarini keltirdi "Associated Press".
Fikrlar