Jiru Saudiyadan kelgan taklifga rad javobini berdi

"Milan" futbolchisi Olive Jiruga Saudiyadan taklif kelgan, lekin hujumchi buni rad qildi, deya xabar bermoqda "La Gazzetta dello Sport" nashri. 

Italiya klubi "Zalsburg"dan 14 million evro evaziga Noa Okaforni sotib olganidan keyin Jiru asosiy tarkibdan tushib qolishi haqda mish-mishlar tarqaldi. Ammo u o‘z o‘rni uchun kurashmoqchi. 

Eslatib o‘tamiz, 37 yoshli hujumchi o‘tgan mavsum "Milan" tarkibida 47 ta o‘yinda maydonga tushib, 18 ta gol urib, 7 ta assist amalga oshirdi.