Kamoliddin Tojiev: "Maydonning holati ham kombinatsion futbol o‘ynashga imkon bermadi"

Elit Osiyo chempionlar ligasining 3-turida "Paxtakor" "Al-Shorta" mehmoni bo‘ldi va durang bilan uyga qaytdi. Uchrashuvda bir nechta imkoniyatlar bo‘lishiga qaramay, darvozalar ishg‘ol qilinmadi. O‘yindan keyingi matbuot anjumanida Kamoliddin Tojiev bellashuv haqida fikrlarini bildirdi.

"Biz qiyin o‘yin o‘tkazdik. Bu erga etib kelishga ko‘p vaqt sarfladik. Maydonning holati ham kombinatsion futbol o‘ynashni qiyinlashtirdi. Ikkinchi bo‘limda charchoq sezildi.

Shunga qaramay, oxirigacha kurashgan yigitlarga rahmat aytaman. Darvozamiz daxlsizligini saqlab qoldik. Yaxshiroq o‘ynaganimizda g‘alaba qozonishimiz mumkin edi, ammo charchoq ta’sir ko‘rsatdi. Oldimizda navbatdagi o‘yinlar bor. Ularda g‘alaba qozonishga urinib, keyingi bosqichga chiqish uchun kurashni davom ettiramiz", - dedi "sherlar" ustozi.