Kuchli beshlikda ochko yo‘qotmagan faqat bitta jamoa qoldi

Angliya Premer-ligasining 6-turida "Aston Villa" klubi "Lids"ga (0:3) yirik hisobda yutqazib qo‘ydi.

Bungacha, Din Smit shogirdlari mavsum startidagi 4 ta uchrashuvning barchasida g‘alabaga erishgandi va yana bitta bahs qoldirilgan.

Shu tariqa, Top-5 chempionatlarda mag‘lub bo‘lmagan faqatgina "Milan" qoldi.

Stefano Pioli boshchilik qilayotgan jamoa 4 ta bahs o‘tkazdi va shularning hammasida zafar quchdi. Dushanba kuni A Seriyaning 5-turida "Roma"ga qarshi bellashadi.