Kuman: Klubga yordam bergan holda, unga bo‘lgan muhabbatimizni ko‘rsatishimiz lozim

"Barselona" bosh murabbiyi Ronald Kuman jamoaning qishki transfer bozorida ishtiroki haqida gapirdi.

"Hammasi moliyaviy ahvolimizga bog‘liq. Biz klubga yordam bergan holda, unga bo‘lgan muhabbatimizni ko‘rsatishimiz lozim. Men bunga tayyorman. Futbolchilar ish haqini qisqartirish to‘g‘risida kelishuvga erishgani yaxshi. "Barsa" uchun nima yaxshi bo‘lishi haqida o‘ylashimiz kerak", dedi niderlandiyalik mutaxassis.

Avvalroq, "ko‘k-anorranglilar" pandemiya tufayli jiddiy moliyaviy inqirozni boshdan kechirayotganlini ma’lum qilingandi.