"Liverpul"ga Traore kerak emas

"Liverpul" klubi "Vulverxempton" yarim himoyachisi Adam Traoreni sotib olmaydi. Bu haqda Birmingham Live nashri xabar tarqatmoqda.

Gap shundaki, mersisaydliklar Traore uchun “Vulverxempton” so‘rayotgan 100 million evroni to‘lamoqchi emas.

Aytish kerakki, Traorening shundoq ham xaridorlari ko‘p. Unga "Manchester Siti" va "Yuventus"dan jiddiy qiziqishlar bor.

24 yoshli Traore joriy mavsum “Vulverxempton” safida 51 ta o‘yinda maydonga tushdi va o‘z hisobiga 6 ta gol hamda 12 ta golli uzatma yozdirib qo‘yishga erishdi.