Loris jamoadoshi uchun afsusda

Frantsiya terma jamoasi darvozaboni Ugo Loris Angliya ustidan qozonilgan g‘alaba (2:1) va jamoadoshining omadsiz o‘yini haqida gapirdi.

Loris «Tottenxem»dagi jamoadoshi Xarri Keynning 84-daqiqada penaltini amalga oshira olmaganidan afsusda.

"Men g‘alabadan juda xursandman. Biroq hafsalamni pir qilgan holat Keynning ikkinchi penaltisi bo‘ldi. Bu epizodni ko‘rganimdan afsusdaman", - dedi Loris.

Eslatib o‘tamiz, Loris terma jamoasi safida o‘yinlar soni bo‘yicha yagona rekordchiga aylangan edi (143). Uning jamoasi yarim finalda Marokashga qarshi bahs olib boradi.