Marca: Zidan shogirdlarining bir qanchasi bilan gaplashmayapti

"Real" bosh murabbiyi Zinedin Zidanning jamoa futbolchilar bilan munosabatlari yomonlashgan. Marca jurnalisti Xose Feliks Dias ma’lumotiga ko‘ra, frantsiyalik mutaxassis shogirdlarining bir qanchasi bilan 2-3 oydan buyon gaplashmayapti.

"Zidan uchun barchasi yakunlangani alomatlarini bildirayotgan muammolar ko‘zga tashlanmoqda. Uning g‘oyalari futbolchilarga etib bormayapti.

Kecha ("Alkoyano" bilan o‘yinda) o‘ynaganlarning ba’zilari Zidan bilan  ikki-uch oy gaplashmaganini aytdi. U shogirdlarini e’tiborsiz qoldirmoqda", - deydi jurnalist Ispaniya Kubogidagi o‘yindan so‘ng.