Matchroom kompaniyasi yana bir jahon chempioni bilan hamkorlikni boshladi

Uch vazn toifasida mag‘lubiyat nimaligini bilmay kelayotgan jahon chempioni  Shakur Stivenson va Eddi Xirnning Matchroom promouterlik kompaniyasi hamkorlik boshlaganini e’lon qildi.

“Men eng katta nomlarga qarshi eng katta janglarni xohlashimni aniq aytdim. Oxirgi paytlar men bilan ringga chiqishni xohlovchilar kam bo‘ldi. Matchroom va Riyadh Season bilan birgalikda biz mening global iste’dodimga mos keladigan kelajakni yaratmoqchimiz. Biz ringda ham, undan keyin ham to‘xtatib bo‘lmaydigan bo‘lamiz. Men ko‘p yillar davomida boks olamida hukmronlik qilaman”, — deya Stivensonning so‘zlarini keltirdi Allboxing.

Eslatib o‘tamiz, 12 oktabr kuni Stivenson(22-0, 10 KO) britaniyalik Jo Kordinaga (17-1, 9 KO) qarshi engil vazndagi (61,2 kg) WBC chempionlik kamarini himoya qiladi. Bu haqida Turki Al-Shayx xabar berdi.