Mbappega APLdan ham xaridor chiqdi

Premer-liganing top klubi Mbappeni sotib olishi mumkin.

Hujumchi Kilian Mbappe kelasi yozda klub ro‘yxatini o‘zgartirmoqchi. Xabarlarga ko‘ra, 24 yoshli futbolchi faoliyatini "Real"da davom ettirmoqchi. Biroq "qirollik klubi" transfer bozoriga ko‘p pul sarflashni rejalashtirmayapti.

"TodoFichajes" nashri xabariga ko‘ra, "Manchester Yunayted" Kilian Mbappeni shu yozda sotib olishni rejalashtirmoqda. "Real" frantsuz yulduzi uchun kurashmasligi aniq bo‘lgach, ingliz grandi o‘z harakatlarini kuchaytiradi.

Qayd etilishicha, "qizil iblislar" Mbappe transferi uchun 150 million evro ajratishga tayyor va PSJ bu taklifni qabul qilishi mumkin.