Mbappening masalasi hal bo‘lyapti

Frantsiyaning Evropa chempionatidan chiqib ketishiga sababchi bo‘lgan Kilian Mbappe klub miqyosidagi faoliyatini ham yo‘lga qo‘yishi kerak bo‘ladi.

Manbalarning ma’lum qilishicha, yosh hujumchining “Real” yoki “Liverpul”ga transferi amalga oshmaydigan bo‘lyapti.

Chunki, Mbappeni PSJ sport direktori Leonardo yangi shartnomaga ko‘ndira olmaganidan keyin ishga klub xo‘jayini Nasser Al-Xelayfiy aralashdi. Uning shaxsan o‘zi hujumchini uzoq muddatli bitimga ko‘ndirmoqchi.

Klub prezidenti kelasi yili shartnomasi tugaydigan futbolchiga boshqa klublardan ko‘proq maosh va’da qilish orqali uni olib qolmoqchi.