Messi Neymar hamda Mbappening munosabati haqida gapirdi

Lionel Messi TUDN telekanaliga bergan intervyusida Neymar hamda Kilian Mbappening munosabatlari haqida gapirdi. 

"Neymar hamda men bir-birimizni yaxshi bilamiz. Biz "Barselona"da ajoyib davrlarni boshdan kechirdik. U bilan yana bir jamoada to‘p tepayotganimdan xursandman. 

Mbappe - maydonda haqiqiy monster. U kelgusi yillarda dunyoning eng yaxshi futbolchilaridan biri bo‘ladi. 

Ikkisining munosabatlari? Bu haqda gapirmaganim ma’qul", - dedi Leo. 

Ma’lumot uchun, argentinalik joriy mavsumda 13 ta o‘yinda maydonga tushib, 8 ta gol hamda 8 ta assist muallifiga aylangan.