Messini senga topshirdim!

“Barselona”dan ketganidan keyin “Atletiko”ni chempion qilgan Luis Suares Kataloniyadagi do‘sti Lionel Messining yoniga Serxio Aguero olinganidan xursand ekanini yashirmadi.

Aslida Suaresning klubdan ketkazilishi Messiga yomon ta’sir qilgan va u anchagacha o‘ziga kelolmay yurgan edi.

- Eng zo‘rlar bilan uchrashish bu doimo yangi chorlov. Serxio anchadan beri yuqori saviyada to‘p tepmoqda va o‘zi o‘ynagan jamoalar muvaffaqiyatiga ulkan hissa qo‘shgan. Endi u dunyoning eng yaxshi futbolchisi bilan birga o‘ynaydi. U Messining do‘sti. Men Agueroni Leonikida barbekyu qilishganida ko‘rgandim. “Barselona” eng zo‘r hujum juftligiga ega bo‘ldi. Aguero ajoyib futbolchi, - dedi Luis Suares.

32 yoshli Serxio Aguero Argentina terma jamoasida ham Lionel Messi bilan birga o‘ynaydi.