Messining to‘purar bo‘lishiga nima halaqit beryapti?

PSJ hujumchisi Lionel Messi Frantsiya chempionatining aksariyat uchrashuvlarida raqib darvozasi to‘sinlarini nishonga olmoqda.

Liga 1 doirasidan o‘rin olgan 11 ta bahsda 34 yoshli argentinalik futbolchining darvoza tomon yo‘llagan zarbalaridan 6 tasi to‘singa borib tekkan. Stats Foot tarqatgan xabarga ko‘ra, Messi bu ko‘rsatkich borasida Frantsiya chempionatida yaqqol peshqadamlik qilmoqda.

Lionel Messi PSJ safiga shu yoz “Barselona”dan erkin agent sifatida ko‘chib o‘tgan edi. U hozircha 1 ta gol hamda 4 ta golli uzatmaga mualliflik qildi.