Mourinoga A Seriyaning eng zo‘ri kerak!

"Roma" bosh murabbiyi Joze Mourino klub rahbariyatidan "Yuventus" hujumchisi Paulo Dibala bilan shartnoma imzolashni so‘ramoqda. Bu haqda jurnalist Janluka Di Martsio xabar tarqatdi.

Argentinalik futbolchi yozda erkin agentga aylanadi. Avvalroq, "keksa senoralar" Paulo bilan kelishuvni uzaytirmasligini ma’lum qilgandi. 

Dibalaga Rim klubidan tashqari "Inter" ham jiddiy qiziqish bildirmoqda. "Neradzurrilar" forvardga yiliga 7 million evro maosh taklif qilmoqda.