Movsar Evloev hech qachon charchamaydi va tempni tushirmaydi

Amerikalik UFC jangchisi Frensis Marshal yarim engil vaznda reyting peshqadami hisoblangan rossiyalik Movsar Evloev bilan mashg‘ulotlari haqida  fikr bildirdi.

“Movsar ajoyib yigit . U bilan hazillashib, bemalol gaplashish mumkin. Lekin sparring boshlanishi bilan barchasi jiddiy tus oladi. U hech qachon charchamaydi va tempni tushirmaydi. Parterda esa ham pastdan, ham yuqoridan nihoyatda yaxshi texnika bilan ishlaydi. Qaysi pozitsiyada bo‘lishidan qat’i nazar, u sizga tinchlik bermaydi. Evloev — MMAdagi har bir raqib uchun haqiqiy sinov bo‘la oladi. Rostini aytsam, u zaldagi eng mushakdor yigit. Tanasida deyarli yog‘ yo‘q — yil davomida bir xil formada yuradi. Hatto u qachon so‘nggi marta shirinlik yeganini eslay olmayman”, — dedi Marshal "Inside Fighting" YouTube kanaliga bergan intervyusida.

Ma’lumot uchun, Evloev 22 mart kuni "UFC Fight Night 270" turnirida Leron Myorfi bilan jang qiladi.

Zeboniso Hamidova tayyorladi