Mundial oldidan Angliyada katta yo‘qotish

Angliyalik himoyachi Kayl Uoker Jahon Chempionatiga bora olmasligi mumkin.

"Manchester derbisi"ning 41-daqiqasida himoyachi jarohat olib maydonni tark etdi. Ma’lum bo‘lishicha, Uokerning jarohati biroz jiddiyroq bo‘lib chiqdi.

Uning qachon safga qaytishi aniq emas, lekin Mundial boshlanishga bir oydan sal ko‘proq vaqt qolyapti. Futbolchi jarohatidan keyin o‘z darajasiga qaytishiga ham vaqt kerak.

Bu Angliya terma jamoasi uchun ham katta yo‘qotish. Sababi, Garet Sautgeyt uchta himoyachi sxemasida harakat kilganda, Uokerni fulbek sifatida maydonga tushurar edi.

32 yoshli futbolchi uchun bu safargi Mundial ohirgisi bo‘lishi mumkin.