MYu Sulsher o‘rniga nomzod topdi

"Manchester Yunayted" rahbarlari jamoa bosh murabbiyi Ole-Gunnar Sulsherning faoliyatidan qoniqish hosil qilmayapti.

"The Mirror" nashri tarqatgan xabarga ko‘ra, mankuniyaliklar norvegiyalik mutaxassis o‘rniga allaqachon nomzod topib ulgurgan. Yangi bosh murabbiy sifatida Maurisio Pochettino varianti ilgari surilmoqda. Argentinalik murabbiy ayni paytda ishsiz va manfaatli taklif chiqsa, qabul qilishi mantiqan to‘g‘ri.

"Qizil iblislar" Sulsher qo‘l ostida 93 o‘yinda maydonga tushib, 51 o‘yinda zafar quchgan, 20 ta bahsda murosa ko‘chasi tanlangan bo‘lsa, 22 bor mag‘lubiyatga uchragan.