“MYu” va “Liverpul” Fabregas uchun kurashga qo‘shildi

Londonning “Chelsi” klubi rahbariyati jamoa yarim himoyachisi Sesk Fabregas APL klublaridan biriga 30 mln funt evaziga qo‘yib yuborishga tayyor, deya xabar beradi Daily Mail nashri.

Ma’lum bo‘lishicha, ispaniyalik futbolchiga ikkita yangi da’vogar jamoa “Manchester Yunayted” va “Liverpul” qiziqish bildirmoqda. Bundan tashqari 30 yoshli futbolchini o‘z safida “Milan”, “Inter”, “Atletiko” va “Marsel” klublari ham ko‘rishni istamoqda.

Fabregasning londonliklar bilan tuzgan shartnomasi 2019 yil yozida yakuniga etadi. Fabregas “Chelsi”ga 2014 yil yozda “Barselona”dan o‘tgan edi.