Nainggolan 2 ta klubdan bo‘lgan taklifni rad etdi

Milanning "Inter" klubi yarim himoyachisi Raja Nainggolan jamoadan ketishni xohlamayotgan ko‘rinadi.

FC Inter News nashri tarqatgan xabarga ko‘ra 31 yoshli belgiyalik futbolchi "Galatasaroy" va Xitoyning "Tszyansu Sunin" klublaridan bo‘lgan takliflarni rad etgan.

Eslatib o‘tamiz, bundan avvalroq “neradzurrilar” bosh direktori Nainggolan va Ikardi ularning yangi mavsum rejalariga kirmasligini ochiq aytgan edi.

Ma’lumot uchun, “Inter” Nainggolanni bundan bir yil muqaddam 38 mln evro evaziga “Roma”dan sotib olgan edi. U o‘tgan mavsum 36ta o‘yinda maydonga tushdi va 7ta gol hamda 3ta golli uzatmaga mualliflik qildi.