Nani so‘nggi 3 yilda ilk bor ketma-ket 2ta uchrashuvda gol urdi

Xabaringiz bor kecha Italiya A Seriyasining qoldirilgan 12-turida “Latsio” o‘z maydonida “Udineze”ni 3:0 hisobida mag‘lubiyatga uchratdi.

E’tiborlisi, ushbu bahsda rimliklar yarim himoyachisi Nani o‘z nomiga dubl yozdirib qo‘yishga erishdi. Ta’kidlash lozimki, 31 yoshli portugaliyalik futbolchi so‘nggi 3 yil ichida ilk marta chempionatning ketma-ket 2ta o‘yinida gol urishga muvaffaq bo‘ldi. Eslatib o‘tamiz, Nani bundan avvalgi turda “Kevo” (5:1) darvozasini ham ishg‘ol etishga erishgan.

U so‘nggi marta 2015 yilning noyabrida “Fenerbaxche” safida Turkiya chempionatining ketma-ket 2ta bahsida gol urishga muvaffaq bo‘lgan.