"Napoli" Mertens bilan shartnomani uzaytirishga harakat qilmoqda

"Napoli" klubi rahbariyati jamoa hujumchisi Dris Mertens bilan amaldagi shartnomani uzaytirmoqchi. Bu haqda klub sport direktori Kristian Jintoli xabar tarqatmoqda.

“Mertensning yaqinlari bilan gaplashyapmiz va yaxshilikka umid qilyapmiz. U bu klub uchun juda ko‘p narsa berdi, bu uning uyi va shu bois biz uning kelajagi borasidagi har qanday xabarni qabul qilishga tayyormiz.

Futbolchining agenti bilan muzokaralar olib boryapmiz. Agar u qolsa, bu ajoyib ish bo‘lardi”, - deydi Jintoli.

Eslatib o‘tamiz, 32 yoshli belgiyalik futbolchining “Napoli” bilan amaldagi shartnomasi joriy mavsum yakunida o‘z nihoyasiga etadi. Unga “Monako” va “Inter”dan jiddiy qiziqishlar bor.

Ma’lumot uchun, Mertens joriy mavsum A Seriyaning 20 ta o‘yinida maydonga tushdi va o‘z hisobiga 6 ta gol hamda 4 ta golli uzatma yozdirib qo‘yishga erishdi.