Neymar klub xo‘jayiniga bosh ko‘tardi

“Pari Sen-Jermen” hujumchisi Neymar klub bilan uch yillik shartnomasi bo‘lishi va katta maosh olayotganiga qaramay, Parijni tark etishga qaror qildi. Bunga braziliyalik forvardning klub prezidenti Nasser Al-Xelaifiydan jiddiy norozi ekani sabab bo‘ldi, deb yozmoqda RMC Sport nashri.

Ma’lumotlarga qaraganda, 30 yoshli futbolchiga klub xo‘jayinining matbuotga aytgan gaplari yoqmagan. Al-Xelaifiy jurnalistlar orqali Neymardan avvalgidan ham ko‘proq mehnat qilish kerakligini ta’kidlagan.

Bu gaplardan keyin Neymar klub uni qadrlamayotganini his qilganini bildirdi. U o‘zi doim jamoa etakchisi sifatida tan olinishiga katta e’tibor qaratib keladi.

Neymar PSJga 2017 yilda olib kelingan. Ayni paytda bu o‘yinchi har mavsum uchun 50 million evrodan maosh olmoqda.