Neymar PSJga kelgan vaqtidan buyon nechta o‘yinda maydonga tushdi?

Avval xabar berilganidek, PSJ hujumchisi Neymar kecha Frantsiya kubogining 1/32 finalidan o‘rin olgan “Kan”ga qarshi o‘yinda jarohat oldi va taxminan bir oy maydonga tusha olmaydigan bo‘ldi.

OptaJean nashri tarqatgan xabarga qaraganda, 29 yoshli braziliyalik futbolchi PSJga ko‘chib o‘tganidan buyon jami 103 ta o‘yinda ishtirok etgan. Ushbu davr mobaynida esa parijliklar 191 ta o‘yin o‘tkazgan. Shundan ko‘rinib turibdiki, Neymar jami o‘yinlarning bor yo‘g‘i 53,9 foizida qatnashgan xolos.

PSJ Neymarni 2017 yil “Barselona”dan 222 mln evro evaziga sotib olgan edi.