Nihoyat, “Roma” muxlislari Shomurodovga tan berdi!
Eldor Shomurodov “Roma”ga o‘tgan palladi rimlik muxlislarning aksariyati ijtimoiy tarmoqlarda uning o‘rniga nomdor hujumchi olish kerakligini ta’kidlagan edi. O‘zbek hujumchisining transferi qimmat sanab, klubning transfer siyosatini tanqid qilganlar ham bo‘ldi.
Biroq, Shomurodov mavsumoldi o‘rtoqlik uchrashuvlarida “Betis” va “Raja Kasablanka” darvozasini ishg‘ol qilganidan keyin Rim klubi ishqibozlarining ko‘ngli biroz xotirjam bo‘ldi. Mana endi yangi mavsumning ilk rasmiy uchrashuvida Eldor qiyin o‘yinda jamoasining g‘alabasini ta’minlaganidan keyin italiyalik muxlisu mutaxassislarning unga bo‘lgan ishonchi ortda.
Sports.uz sayti italiyalik futbol ixlosmandlarining Eldor Shomurodov haqida ijtimoiy tarmoqlarda bildirayotgan fikr-mulohazalarini e’tiboringizga havola etadi.
Antonio Cirelli:
Shomurodov – haqiqiy usta ekan. Har bir uchrashuvda gol uryapti. O‘rtoqlik uchrashuvlardan gol urishni boshladi, Konferentsiya ligasida buni davom ettirdi va endi u A Seriyada ham to‘p kiritishi kerak!
Maurizio Marcolini:
Nahotki, biz endi hujumchini to‘g‘ri tanlagan bo‘lsak. Shomurodov zo‘r ekan. O‘rtoqlik o‘yinlaridagi gollaridan keyin rasmiy uchrashuvda muammoga duch kelishini aytayotgalar ko‘p edi. Lekin Eldor gol urishda davom etmoqda.
Giacomo de Benedetti:
Joze Shomurodovni o‘yindan olishga qaror qilgandi. Buni payqagan o‘zbek hujumchisi muhim gol urdi va xotirjam maydonni tark etdi.
Rik Cerrone:
Men nega Temmi Abraxam 40 million evroga olinganini tushunmadim. Bizda haqiqiy to‘purar bor – Shomurodov. 40 million evroni boshqa pozitsiyalarni kuchaytirishga ishlatishsa yaxshi bo‘lardi.
Riccardo Tomassetti:
Eldorni olishganida undan shubhalangan edim. 17 million evro bu hujumchi uchun qimmat narx, deganman. Endi uning zo‘rligiga tan berdim!
Andrea De Luca:
Shomurodovda muhim qobiliyat bor ekan – u bir soniyadan keyin to‘p tushadigan joyda paydo bo‘lar ekan. G‘alaba to‘pini ham xuddi shunday kiritdi. Bizga aynan mana shunaqa hujumchi etishmayotgan edi.
Simone Vanini:
Mayoral va Abraxam – bemalol dam olaveringlar. Shaharga yangi xo‘jayin keldi. “El-Uzbeko”ga gap yo‘q!
Valeria Anelli:
Mana Edin Jekoga haqiqiy o‘rinbosar. Agar Abraxam ham jamoamizda o‘ynab keta olsa, Italiyada eng zo‘r hujum juftligi bizda bo‘ladi.
Fikrlar