"Nursulton Team" klubi a’zosi Nursulton Ro‘ziboev bilan bir kechada jang o‘tkazadi

10 aprel kuni Rossiyaning Sankt-Peterburg shahrida o‘ziga xos MMA kechasi o‘tkaziladi. Ya’ni, "WEF 115 Global 17"-NWPA turniri tashkil etiladi. Mazkur jang kechasi doirasida yurtimizning mashhur MMA vakillari  Nursulton Ro‘ziboev (34-8-2) Kleber de Souza Silva (20-13-1) bilan Mashrabjon Ro‘ziboev (14-4-1) esa Charlz Oliveyraga qarshi oktagonga ko‘tarilishi haqida xabar bergandik. Sports.uz saytiga ma’lum bo‘lishicha ushbu jang kechasida yana bir hamyurtimiz, Kamoliddin Mamajonov (4-1) ham o‘z jangini o‘tkazadigan bo‘ldi. Unga rossiyalik Maksim Tkachenko (2-6) raqiblik qiladi. Jang yarim og‘ir vazn (93 kg) toifasida bo‘lib o‘tadi.
Ma’lumot uchun, Kamoliddin Mamajonov Nursulton Team klubi vakili bo‘lib, Bekzod Jiyanov hamda Nursulton Ro‘ziboevlar qo‘l ostida mashg‘ulotlar olib boradi.