OKMK qisqa ta’tilga chiqdi

Kecha, 20 iyul kuni OKMK jamoasi a’zolari 14 kun davom etgan yozgi xorij yig‘inini yakunlab Toshkentga qaytib keldi. 

Futbolchilarga bugundan boshlab 2 kunlik qisqa ta’til beriladi. Shundan so‘ng, 23 iyuldan klub qarorgohida Superliganing navbatdagi turiga tayyorgarlik davom ettiriladi.

Eslatib o‘tamiz, "konchilar" 3 avgust kuni Andijonga safar uyushtirib, "Andijon" klubi mehmoni bo‘ladi.