“Oltin butsa” sohibi Ibrohimovichning yo‘lidan yurmoqchi
O‘tgan mavsumda to‘purarligi uchun “Oltin butsa”ga loyiq ko‘rilgan “Latsio” hujumchisi Chiro Immobile “Milan” tarkibida porlayotgan Zlatan Ibrohimovichga havas qilayotganini ma’lum qildi.
- Maydonga chiqqanimda, o‘zimni yosh boladay his qilaman. O‘yinga tushmasam, jahlim chiqadi. O‘zimni klub va Italiya futboli tarixidan joy olgan futbolchilar qatoriga qo‘shilishni orzu qilaman. Murabbiy va jamoadoshlarim oldimga qo‘ygan maqsadlarim sari intilishimda katta yordam beryapti.
Krishtianu Ronaldu va Zlatan Ibrohimovich kabi chempionlarning A Seriyaga kelgani sizning darajangiz qanday ekanini baholash imkonini taqdim qiladi. Men 30 yoshdaman, lekin o‘zimni ancha yosh his qilyapman. Ibraning yoshiga etganimda ham, unga o‘xshab sport formamni saqlab qolishni istayman, - dedi Chiro Immobile.
Fikrlar