Osiyo chempionati (U23). Bugun "A" guruhida 2-turga start beriladi

Xabaringiz bor ayni kunlarda Tailandda 23 yoshgacha bo‘lgan futbolchilar o‘rtasida Osiyo chempionati bahslari bo‘lib o‘tmoqda.

Bugun "A" guruhida 2-turga start beriladi. Dastlab Toshkent vaqti bilan soat 15:15 da Bahrayn U23 va Iroq U23 terma jamoalari bahsi boshlansa, soat 18:15 dan mezbon Tailand U23 hamda Avstraliya U23 terma jamoalari uchrashuvi start oladi.

Eslatib o‘tamiz, 1-turdan so‘ng Tailand 3 ochko bilan guruhda peshqadamlik qilmoqda. Iroq va Avstraliya hisobida esa bittadan ochko mavjud. Guruhning so‘nggi pog‘onasidan esa Bahrayn termasi joy olgan.