O‘zil "Arsenal" bilan shartnomani bekor qilishga rozi bo‘ldi
“Arsenal” klubi rahbariyati germaniyalik yarim himoyachi Mesut O‘zil bilan shartnomani bekor qilish bo‘yicha kelishuvga erishdi. Bu haqda The Athletic nashri xabar tarqatmoqda.
O‘zilning “kanonirlar” bilan amaldagi shartnomasi yozda o‘z nihoyasiga etadi va u ushbu vaqt orasida “Arsenal”dan yana 7,8 million evro maosh olishi kerak. Ammo Mesut qishki transferlar davrida jamoadan ketishni maqsad qilgani bois, ushbu pullardan voz kechishga tayyor.
O‘zilning yangi jamoasi Turkiyaning “Fenerbahche” klubi bo‘lishi aytilmoqda. U istanbulliklar bilan 3 yillik shartnoma imzolaydi.
Fikrlar