O‘zil: "Arsenal"ning mag‘lubiyatlarida doim meni ayblashadi

“Arsenal” yarim himoyachisi Mesut O‘zil o‘ziga nisbatan bildiriladigan tanqidlar borasida to‘xtalib o‘tdi.

“Agar jamoa yaxshi o‘yin ko‘rsata olmasa, hamisha meni ayblashadi. Ammo, men tarkibda bo‘lmagan paytlarimda jamoa ko‘rsatgan muvaffaqiyatsiz o‘yinlarni qanday tushinish mumkin? Muxlislar mendan ko‘proq narsa kutishlarini va mening natijaga ta’sir eta olishimga ishonishlarini tushunaman. Men ham shuni xohlayman, biroq hamisha ham bunday bo‘lavermaydi. Men jamoada yagona emasman, shunchaki ba’zan raqiblar yaxshi o‘yin ko‘rsatishadi”, - deydi germaniyalik futbolchi.

Ma’lumot uchun, O‘zil joriy mavsum “Arsenal” safida jami 2 ta o‘yinda maydonga tushdi xolos.