Pike: "Yuqori saviyadagi raqibga qarshi ajoyib o‘yin o‘tkazdik"

"Barselona" himoyachisi Jerar Pike "Napoli"ga qarshi bahsdan so‘ng o‘z fikrlari bilan o‘rtoqlashdi. Aytishicha, "Barsa" kecha bunday vaziyatlar bilan 3ta gol urishi mumkin edi.

"O‘yindan ajoyib hissiyotlar qoldi. Biroq natijadan emas. Biz kamida 3ta gol urishimiz kerak edi.

"Napoli" ikki marta darvozamiz oldiga kelib, bir marta gol urib ketdi. Bu ularning yuqori darajadagi klub ekanini anglatadi. Biz ularga qarshi ajoyib harakat qildik.

Bunday o‘yin bilan Evropa ligasida g‘alaba qozonishimiz mumkin. Javob o‘yinida ham shu kabi imkoniyatlardan maksimal foydalanishimiz lozim", - dedi ispaniyalik himoyachi.