Pirlo hujumchiga chiqish eshigini ko‘rsatib qo‘ydi

“Yuventus” bosh murabbiyi Andrea Pirlo argentinalik hujumchi Gonsalo Iguain jamoani tark etishini e’lon qildi.

- Men Iguain bilan gaplashdim. Unga qoyil qolganman. Bu erda faoliyatining muhim qismini o‘tkazdi va zo‘r o‘yinchi ekanini ko‘rsatdi. Lekin endi yo‘llarimiz ayriladi. Biz jiddiy gaplashib olib, qat’iy qarorga keldik, - dedi Pirlo.

32 yoshli Iguain turinliklar safiga 2016 yilda “Napoli”dan kelib qo‘shilgan. Shu paytga qadar “Yuventus” bilan uch marta Italiya chempioni va ikki marotaba mamlakat kubogi sohibi bo‘lgan.