Pro-liganing mart oyidagi eng yaxshi futbolchi va murabbiyi e’lon qilindi

O‘zbekiston Professional futbol ligasi matbuot xizmati Pro-liganing ortda qolgan mart oyi lauriatlarini e’lon qildi.

Unga ko‘ra, “Mash’al” ustozi Dilyaver Vaniev oyning eng yaxshi murabbiyi, “Turon” hujumchisi Humoyun Murtozaev oyning eng yaxshi futbolchisi deb topildi.

Ta’kidlash kerakki, Vaniev boshqaruvidagi “Mash’al” mart oyida 4 ta o‘yin o‘tkazdi va ularda 3 ta g‘alaba hamda 1 ta durang qayd etdi. Murtozaev esa “Turon” safida 4 ta o‘yinda 3 ta gol urishga erishdi.