PSJ Mbappening o‘rnini bosadigan yulduzni tanladi

PSJ yozgi transferlar mavsumigacha Kilian Mbappeni jamoada qolishga ko‘ndira olmasa, uni sotib yuboradi. Parijliklar frantsiyalik futbolchining maosh talabini bajarishga tayyorligini ma’lum qilgan bo‘lsa-da, Mbappe yangi bitimni imzolamoqchi emas.

Shu bois, PSJ rahbariyati kelasi mavsum Mbappening o‘rnini bosishi mumkin bo‘lgan hujumchi qidirishni boshlab  yubordi. Hozircha, bu o‘ringa “Liverpul” to‘purari Muhammad Saloh munosib ko‘rilmoqda. Misrlik to‘purar Yurgen Klopp bilan munosabatlari yomonlashgani uchun anchadan beri boshqa jamoaga o‘tmoqchi bo‘lib yuribdi.

Ma’lumotlarga qaraganda, PSJ mutasaddilari yaqinda Muhammad Salohning agentlari bilan bog‘langan va klubning rejalarini muhokama qilgan.

Salohning liverpulliklar bilan shartnomasi 2023 yilning yarmigacha imzolangan. Biroq, PSJ har qanday futbolchining transferini sotib olish imkoniga ega.

Muhammad Saloh joriy mavsumda Angliya premer-ligasida 30 ta uchrashuvda maydonga tushib, 19 ta gol urdi va uchta golli pas oshirdi.