PSJ qishki transfer vaqtida daromad olmoqchi

"Pari Sen-Jermen" davralar oralig‘ida bir qancha futbolchilarini transferga qo‘yishni rejalashtirmoqda.

Taniqli L'Equipe nashri ma’lumotiga ko‘ra, parijliklar qishda futbolchilar sotuvidan 40 million evro daromad qilmoqchi.

PSJ Frantsiya chempionati 17-turidan so‘ng turnir jadvalida 3-o‘rinni band etib turibdi. Oldinroq, klub rahbariyati Tomas Tuxelni iste’foga chiqarib, bosh murabbiylik kursisiga Mauirisio Pochettinoni olib kelgan edi.