PSJ yulduzlari koronavirusga chalindi

PSJning muhim futbolchilardan hisoblangan Anxel di Mariya, Mauro Ikardi va  Leandro Paredes koronavirusga chalingani haqida xabarlar tarqamoqda.

Qoidaga ko‘ra, ular tibbiyot protokoli asosida karantinga olingan. Garchi PSJ koronavirusga chalinganlar nomini sir tutayotgan bo‘lsa-da, L’Equipe nashri bular Anxel di Mariya va Leandro Paredes ekanini ta’kidlamoqda.

Bu ikki futbolchi Mauro Ikardi, Ander Errara, Keylor Navas va Neymar bilan birga ta’tilni Ibitsada o‘tkazgan va koronavirus yuqqanini bilgach, hammasi Parijga birga qaytib kelgan. Ular orasida Ikardi ham do‘stlaridan kasallikni yuqtirib olgani aytilmoqda.