"Qizilqum"ning yozgi yig‘inni qaerda o‘tkazishi ma’lum

Superliga 8-tur (qoldirilgan) uchrashuvini "Bunyodkor" jamoasiga qarshi o‘tkazib, g‘alaba qozongan "Qizilqum" futbolchilari qisqa ta’tilga chiqishdi.

Jamshid Saidov boshchiligidagi murabbiylar shtabi esa ikkinchi davraga tayyorgarlikni 7-22 iyul kunlari Angren shahridagi Yangiobod sport bazasida o‘tkazishni rejalashtirgan.

Ushbu yig‘inda jamoa tarkibiga bir nechta yangi futbolchilar kelib qo‘shiladi va murabbiylar ko‘rigida bo‘lishadi. Yig‘in doirasida rejaga ko‘ra, bir nechta o‘rtoqlik uchrashuvlari ham o‘tkaziladi.

"Qizilqum" matbuot xizmati.