Qozog‘istonlik murabbiy Toshkentdagi turnir haqida: Musobaqaga tashkiliy tomonlama yaxshi tayyorgarlik ko‘rilgan

Xabar berib o‘tganimizdek, shu kunlarda Toshkent shahrida boks bo‘yicha 2004-2005 yillarda tavallud topgan bokschilar o‘rtasida O‘zbekiston boks faxriylari sharafiga xalqaro turnir bo‘lib o‘tmoqda.

Musobaqaga Qozog‘istondan tashrif buyurgan murabbiy turnir haqidagi qisqa taassurotlari bilan o‘rtoqlashdi.

"Turnir bir necha yildan buyon o‘tkazilib kelmoqda. Mana, Qozog‘iston, Rossiya va Tojikistondan jamoalar bahslarda ishtirok etishmoqda. Turnir yaxshi saviyada o‘tkazilmoqda. Tashkiliy tomonlama ham yaxshi tayyorgarlik ko‘rilgan.

Musobaqada yaxshi va kuchli bolalar ishtirok etishmoqda", - dedi Nurjan Asanov.

Manba: O‘zbekiston boks federatsiyasi matbuot xizmati