Rabo "Yuventus" bilan muzokaralar o‘tkazmoqda

PSJ yarim himoyachisi Adrien Rabo "Yuventus" bilan muzokaralar o‘tkazdi. Bu haqda Corriere dello Sport nashri xabar tarqatdi.

Yuqoridagi manbaaga ko‘ra “keksa sinora” rahbariyati 24 yoshli frantsiyalik futbolchining vakillari bilan uning transferi borasida gaplashishgan.

Eslatib o‘tamiz, bundan avvalroq Raboga "Manchester Yunayted"dan ham qiziqishlar borligi haqida xabarlar tarqalgan edi.

Ma’lumot uchun, Rabo PSJ bilan shartnomasini uzaytirishdan bosh tortgani uchun mavsumning ikkinchi yarmida umuman maydonga tushmadi.