Ramos: Kalamushday chiyillamay, o‘rningdan tur!

Chempionlar ligasida “Real” va “Inter” jamoalari o‘rtasidagi uchrashuvda madridliklar sardori Serxio Ramos milanliklar himoyachisi Ashraf Hakimini haqorat qilgan vaziyat kamera ob’ektivlariga tushib qoldi.

Ma’lumotlarga qaraganda, o‘yinda Ramos raqibi bilan to‘qnashib ketadi. Keyin u og‘riqdan baqirib, erga yiqilgan raqibini haqorat qilgan.

Football Italia nashrining yozishicha, Ramos Hakimiga “Kalamushday chiyillamay, o‘rningdan tur!”, deb o‘shqirgan.

Ramosning o‘zi o‘sha uchrashuvda gol urib, jamoasining 3:2 hisobidagi g‘alabasini ta’minladi. Bu Serxioning “Qirollik klubidagi” 100-goli sifatida qayd etildi.