Rasman! Hakimi "Inter" futbolchisi

"Real" himoyachisi Ashraf Hakimi faoliyatini "Inter"da davom ettiradi.

21 yoshli marokashlik futbolchi klub bilan besh yilga mo‘ljallangan kelishuvga imzo chekdi.

Oldinroq, Hakimi yangi klubida yiliga 5 million evro ishlab topishi va uning transferidan "Real" 40 million va bonuslar ishlab olishi xabar qilingan edi.

Marokashlik futbolchi "Real" tarbiyalanuvchisi hisoblanadi. U klub sistemasiga 2006 yilda kelgan, biroq asosiy tarkibda faqatgina 17 ta o‘yin maydonga tushgan.

Joriy mavsumni Hakimi "Borussiya"da o‘tkazib, 32 o‘yinda 5 gol va 10 golli uzatma muallifi bo‘ldi.