Rasman! Oleg Zoteev "Andijon" futbolchisi

35 yoshli tajribali himoyachi Oleg Zoteev yaqinda “So‘g‘diyona” bilan xayrlashgandi.

Bugun u “Andijon” klubi bilan shartnoma imzolagani ma’lum bo‘ldi. Bu haqida klub matbuot xizmati rasman e’lon qildi.

Zoteev 2024 yilgi mavsumda “So‘g‘diyona” safida hammasi bo‘lib 30 ta uchrashuvda maydonga tushdi va 4 ta gol urib, 5 ta golli uzatmani bajardi.

Bungacha u OKMK, “Bunyodkor”, “Lokomotiv” “Chonnam Dragons” (Janubiy Koreya), “Qizilqum” va “So‘g‘diyona”da to‘p surgan.

Koreya va O‘zbekiston chempionatida sovrinlarni yutgan futbolchi yanvar oyida “Andijon” klubiga qo‘shiladi.