Rasman! PFL musobaqani to‘xtatishga qaror qildi

Ayollar o‘rtasidagi Oliy Liga uchrashuvlari pandemiya sharoiti bois, Respublika hududlarida joriy etilgan karantin cheklovlari tufayli no’malum muddatga qoldirildi. Bu haqda tashkilot rasmiy sayti xabar bermoqda.

Ta’kidlash lozim, karantin cheklovlari e’lon qilingach, O‘zPFLga Oliy Liga klublari murojaat bilan chiqishdi va hozirgi sharoitda klublarning mashg‘ulot olib borishi, o‘yinlarga borib kelishi bilan bog‘liq muammolar tufayli, chempionat uchrashuvlarini qoldirishni so‘rashdi.

O‘zPFL vaziyatdan kelib chiqib, klublar bildirgan fikr va murojaatlarga asosan, chempionat uchrashuvlarini Respublika miqyosida karantin cheklovlari yumshatilguniga qadar to‘xtatib turish maqsadga muvofiq, deb hisoblaydi.