Raul o‘z ishida qoladigan bo‘ldi

“Real” Madrid klubining o‘rinbosarlar jamoasi hisoblangan "Kastilya" klubi bosh murabbiyi Raul Gonsales Blanko o‘z lavozimida ishlashda davom etadi.

Marca nashri tarqatgan xabarga ko‘ra, “qirollik klubi” rahbariyati jamoaning sobiq yulduzi faoliyatidan qoniqmoqda. Shu bois ular Raulga kelasi mavsum ham o‘rinbosarlar jamoasini ishonib topshirishmoqchi.

Aytish kerakki, Raul “Kastilya”ni 2019 yildan buyon boshqarib kelmoqda. Ayni damda uning boshqaruvidagi jamoa Segundada 7-o‘rinni egallab turibdi.