Ravshan Haydarov - O‘zbekiston U-23 terma jamoasi bosh murabbiyi!

Taniqli va tajribali mutaxassis Ravshan Akmalovich Haydarov rasman O‘zbekiston U23 terma jamoasi bosh murabbiyiga aylandi. Bu haqida O‘FA matbuot xizmati ma’lum qildi.

"O‘FA murabbiylar kengashi yig‘ilishida U-23 terma jamoasi boshqaruviga nomzod murabbiylar muhokama qilindi.

Unga ko‘ra, yoshlar bilan ishlash bo‘yicha yurtimizning eng tajribali mutaxassislaridan biri, “O‘zbekiston Respublikasida xizmat ko‘rsatgan sport ustozi” faxriy unvoni egasi Ravshan Haydarov nomzodi ilgari surildi va rahbariyat tomonidan tasdiqlandi.

Haydarov boshqaruvidagi turli yoshdagi terma jamoalar ikki karra Osiyo chempioni bo‘lgan, ikki bor ;ahon chempionati ishtirokchisiga aylangan", - deyiladi rasmiy xabarda.