"Real" - Ispaniyadagi eng mashhur jamoa

“Real” Madrid klubi Ispaniya telekanallaridagi eng mashhur jamoa hisoblanadi. Bu haqda Vozpópuli xabar bermoqda.

Manbaga ko‘ra, “qirollik klubi”ning teleauditoriyasi 2019 yildan beri 56 foizga, har bir o‘yin uchun 1,7 milliondan 950 ming tomoshabinga kamaygan. Ammo shunga qaramasdan bu hozircha La Liga klublari orasidagi eng katta auditoriya hisoblanadi.

“Real” o‘tgan mavsum La Ligada 2-o‘rinni egalladi. Chempionlik esa hamshahari “Atletiko”ga nasib etdi.

Karlo Anchelotti boshqaruvidagi “Real” yangi mavsumning ilk uchrashuvini 15 avgust kuni safarda “Alaves”ga qarshi o‘tkazadi.