“Real” afsonasi jamoaga “Barsa”ning qaysi o‘yinchisi kerakligini aytdi

“Real” tarixida chuqur iz qoldirgan mashhur futbolchi  Guti “Barselona”da o‘zi madridliklar tarkibida ko‘rishni istayotgan o‘yinchi borligini tan oldi. 

Sobiq “realchi” kataloniyaliklar tarbiyalanuvchisi Lamin Yamalning iqtidorini yuqori baholamoqda. 

Undan “Kataloniyaliklarning qaysi o‘yinchisini “Real”ga olib kelgan bo‘lardingiz?”, deb so‘rashdi. 

Guti bu o‘yinchi Lamin Yamal ekanini aytdi. 

Yamal ayni paytda dunyoning eng zo‘r yosh futbolchilaridan hisoblanadi. Kataloniyaliklar 17 yoshli o‘yinchi bilan kelasi yozda uzoq muddatli shartnoma imzolamoqchi.