"Real" Eriksen uchun 50 mln evro va bir futbolchisini berishga tayyor

"Tottenxem" klubi yarim himoyachisi Kristian Eriksenning joriy transferlar davrida "Real"ga o‘tishi haqiqatga yaqin turibdi.

The Sun nashri tarqatgan xabarga qaraganda "galaktikoslar" 27 yoshli daniyalik futbolchi uchun o‘z takliflarini tayyorlashgan. Unga ko‘ra madridliklar Eriksen uchun “shporlar”ga 50 million evro va yarim himoyachi Dani Sebalosni berishga tayyor.

Eslatib o‘tamiz, Eriksenning “Tottenxem” bilan amaldagi shartnomasi yana bir yildan so‘ng o‘z nihoyasiga etadi.